Pra nas
My — hrupa biełarusaŭ, jakija žyvuć u Francyi i jakija arhanizujuć pravasłaŭnyja nabaženstvy na biełaruskaj movie. Naša pieršaja biełaruskaja liturhija adbyłasia ŭ sakaviku 2023 hodu.
My supracoŭničajem z biełarusami Polščy, jakija pierakładajuć malitvy z hreckaj na sučasnuju biełaruskuju movu, i adaptujem muzyku biełaruskich kampazitaraŭ da hetych pierakładaŭ. Meta hetaha sajta — padzialicca vynikami z biełarusami pa ŭsim śviecie.
Padziaki
Sardečna dziakujem biełaruskaj pravasłaŭnaj supolnaści prychoda Św. Ryhora Pieradze ŭ Varšavie za pierakłady i sumiesnuju pracu.
Ščyra dziakujem raspracoŭščykam kanvertara łacinki za dapamohu z biełaruskim tekstam u łacinskim ałfavicie.
Vykazvajem hłybokuju ŭdziačnaść Jaho Eminencyji, Mitrapalitu Francyi, Ipatymnamu Ekzarchu Eŭropy Dzimitryju za dabraslavieńnie słužyć biełaruskija liturhii ŭ Francyi i dapamohu ŭ arhanizacyi kaladnaha kancerta našaha ansambla “Paparać-Kvietka”.
Zachaplajusia biełaruskimi śviataramі Paryža, biez jakich nia mahli b adbyvacca bohasłužeńni pa-biełarusku.
Vykazvaju najhłybiejšuju ŭdziačnaść majmu biełaruskamu ansamblu Paryža “Paparać-Kvietka”, biez jakoha hetaja muzyka b nia ažyvała štomiesiac padčas našych liturhij, a taksama kancertaŭ i festyvalaŭ!
Sardečna dziakuju kiraŭnicy ruskaha chora Paryža “Znamienie” Kaciarynie Anapolskaj za vieru ŭ nas i mahčymaść dla našaha ansambla brać udzieł u šmatlikich kancertach i festyvalach.
Vykazvajem padziaku opiernaj śpiavačcy Kaciarynie Janavaj za zaprašeńni našaha ansambla na jaje solnyja kancerty.
Dziakujem arhanizataram festyvala Śviatoha Rocha za mahčymaść dla našaha ansambla stać jaho ŭdzielnikam.
Taksama vykazvajem padziaku asacyjacyi “Prabliemy vyvučeńnia ranniaha chryścijanstva” (Enjeux de l’Étude du Christianisme des Origines) za zaprašeńni dla našaha ansambla pryniać udzieł u mižcarkoŭnym festyvali chryścijan Uschodu i Zachadu.
Licenzija
Usie noty i zapisy na hetym sajcie raspaŭsiudžvajucca pad licenzijaj CC BY-NC-ND 4.0 (Attribution — NonCommercial — NoDerivatives). Heta značyć:
- Vy možacie svabodna spampoŭvać ich i vykarystoŭvać u liturhičnych metach.
- Vy pavinny paznačyć aŭtarstva (kampazitar, aranžyroŭka, pierakład).
- Vy NIE možacie pradavać noty ci zapisy.
- Vy NIE možacie raspaŭsiudžvać źmienienyja viersii biez asobnaha dazvołu.
Kali vy chočacie vykarystać hetyja materyjały inačaj — źviarniciesia da nas praz staronku Kantakt.